И спляшем, и станцуем!..

В минувшие выходные в посёлке Краснозатонский состоялся одиннадцатый фестиваль коми самодеятельного творчества «Кужам сьывны, кужам и ворсны» (Умеем петь, умеем и играть).

Каждый год весной артисты близлежащих посёлков знакомят зрителей со своим новым песенным, танцевальным и игровым репертуаром на коми языке. Благодаря абсолютно новым номерам, фестиваль вот уже на протяжении стольких лет остается любимым праздником и артистов, и зрителей.

Организаторами фестиваля выступают Сыктывкарские представительство МОД "Коми войтыр" и городской центр коми культуры. Именно поэтому, к каждому представлению специалисты центра тоже готовят «новый репертуар».

В это году, например, «изюминкой» фестиваля стала гостья из американской газеты (роль исполняла корреспондент газеты "Коми му" Екатерина Макарова), которой так понравился фестиваль, что она пожелала навсегда остаться в Краснозатонском, забыв в песенно-танцевальном порыве о своей родине.

Сьылам кӧть йӧктам!..

Тайӧ шойччан лунъясас Гӧрд Затонса культура керкаын юргис «Кужам сьывны, кужам и ворсны» фестиваль.

Быд тулыс юркарбердса Выльтыдор, Трёхозёрка, Вылыс Максаковка, Сьӧдкыркӧтш да Гӧрд Затон посёлокъясысь комиӧн сьылысь-йӧктысь-ворсысь артистъяс чукӧртчылӧны, медым петкӧдлӧны ӧта-мӧдныслы, а сідз жӧ бур йӧзыслы ассьыныс сямлунсӧ.

Татшӧмсяма фестивальсӧ мӧвпыштлісны котыртны дас ӧти во сайын «Коми войтыр» ӧтмунӧмлӧн Сыктывкарса представительство да юркарса коми культура шӧрин. Окота вӧлі, мед коми кывйыс юргис тшӧтш и роч посёлкъясын. Мед йӧзыс кылісны коми кывсӧ, эз этдортчыны сыысь, нимкодясисны сійӧн да, гашкӧ, и велӧдісны на. А мыйӧн медкокньыд йӧз дорас вайӧдны кывтӧ? Дерт жӧ, сьылӧм-йӧктӧмӧн!

И со ытваыскӧд ӧттшӧтш бара на "ойдліс" миян фестиваль. Сылӧн гора небыд шыыс кывтіс Эжва да Сыктыв юяс весьтӧд, йӧлӧгаӧн шыаліс - пом ни дор.

Тавося фестиваль вылын петкӧдчисны Вылыс Максаковкаысь «Максаковочка» сьылан котыр (веськӧдлысьыс Ольга Ульнырова), Ольга Жаковалӧн веськӧдлӧм улын Выльтыдор посёлокса культура керкаысь артистъяс, Выльтыдорысь жӧ «Сударушка» сьылан-йӧктан котыр (веськӧдлӧ Ольга Мруг), Гӧрд Затонысь «Барыня», «Журавушка» да «Реченька» сьылан коллективъяс (веськӧдлӧны Николай Якубин да Владислав Малых), а сідзжӧ Татьяна Хохолковалӧн «New Style» йӧктан ансамбль.

Дерт, кыдзи и пыр, гаж вылын тшӧтш петкӧдчисны карысь воӧм гӧсьтъяс. Тайӧ юркарса коми культура шӧринысь «Эжва катыд» сьылан котыр (веськӧдлысьыс Зинаида Пупышева) да шӧринса зільысь-сьылысь Анна Ульянова.
Гаж чӧж нюммӧдіс видзӧдысьӧс америкаса журналисткаӧс ворсӧмӧн «Коми му» газетысь корреспондент Екатерина Макарова.