Интаса конференция

27 ноябрьӧ Интаса шӧр библиотекаын мунiс быд вося коми йӧзлӧн конференция.

Конференция вылын вӧлiны сиктысь, грездысь да карысь делегатъяс, депутатъяс, Интаса администрацияысь веськӧдлысьяс, организацияясысь да общественнӧй котыръясысь представительяс.
Конференция восьтiс да нуӧдiс Интаса Коми войтырлӧн представительствоӧн веськӧдлысь Ольга Круть.
Россия Федерацияса да Коми Республикаса кыпъяс юргӧм да лӧнь минута бӧрын тӧдмӧдiсны уна сикас войтырлӧн министр Роман Носковлӧн аттьӧалана гижӧдӧн да Коми войтырӧн веськӧдлысь Олег Лажаневлӧн чолӧмалана гижӧдӧн.
Конференция вылын уджалысьясӧс чолӧмалiсны челядь - "Шондi" чукӧрын сьылысьяс.
Сёрнитiсны: Инта округ администрацияӧн юралысьӧс вежысь Григорий Николаев, Коми войтырлӧн Исполкомӧ пырысь Галина Терентьева, представительствоӧн веськӧдлысь Ольга Круть.
Асьыныс мытшӧдъяс йылысь висьталiсны Петрунь, Адзьвавом, Абезь да Косьювом сиктъясысь делегатъяс да мукӧд корӧм йӧз.
Вӧлi примитӧма резолюциялысь проект, кытчӧ пыртӧма делегатъяслысь вӧзйӧмъяс.
Помас Коми войтырӧн веськӧдлысь Олег Лажанев нимсянь 17 коми гозъялы, кодъяс сиктъясын ӧтсӧгласӧн олӧны 50 воысь дырджык вӧлi сетӧма аттьӧалана гижӧдъяс да мукӧд козинъяс.
Тшай юӧм бӧрын делегатъясӧс да гӧстьясӧс корисны уна сикас войтырлӧн шӧринӧ концерт вылӧ.