Воркутаын коми йӧзлӧн конференция

Воркута карын декабрь 7-ӧд лунӧ муніс коми конференция. Удж заводитчытӧдз вӧлі позянлун аддзыны, мый вылын уджалӧны коми культура сӧвмӧдӧм серти школа, сад да культура юкӧнъяс. Позис быдӧнлы серпасавны коми орнамент, тӧдмавны нӧдкывъяс да босьтны ас вӧчӧм неыджыд приз. Позис видлыны коми шаньга. Вӧліны коми темаа фотозонаяс. Челядь и верстьӧ вермисны вӧчны ас киӧн вӧчӧмторъяс. Позис тӧдмасьны петшӧрысь да пон гӧнысь кыӧмторъясӧн. Вӧліны кӧр яйысь чӧсмасянторъяс. Сьыліс коми ансамбль "Югыд войяс". Конференция залын петкӧдлісны ичӧт челядьлысь "Менам муса коми му" фестиваль вылысь выступайтан номеръяс. Локтісны уна йӧз, вӧліны дзигласьӧмъяс, тыдалісны нюмъяс, кыліс клопайтӧм.

Конференция муніс сюся , делегатъяс сёрнитісны вося удж йылысь. Кык час чӧж позис кывзыны да слайдъяс вылысь аддзыны карлӧн олӧм йылысь: йӧзӧс бурдӧдӧм, оленеводъяслы налӧн майшасьӧмын отсӧг, коми кыв велӧдӧм, туйяс, челядь сӧвмӧдӧм и уна мукӧдтор. Сёрнитіс карӧн юрнуӧдысь, министр Роман Вениаминович Носков, Татьяна Алексеевна Саладина, Алексей Иванович Габов, депутатъяс да чина йӧз.

Воркутаса олысь, коді кывзіс конференциялысь удж, муніс гортас колана тӧдӧмлунъясӧн: кар олӧ, кар колӧ, кар йылысь тӧждысьӧны.