События уходящиего лета * Территория молодёжи- проект в Усть-Куломском и Корткеросском районах
В июле и августе команда проекта "Территория молодёжи" посетила п.Тимшер и с.Сторожевск. Участники мероприятий попробовали стрельбу из лука и дартс, познакомились с верхневычегодской росписью, с помощью VR-очков увидели Ульяновский монастырь с высоты птичьего полёта, играли в коми народные игры, составляли родословные, семейные вензеля...
В игре-путешествии знакомились с географией, историей, культурой республики, играли в квиз-викторину. Взрослым провели беседу о финансовой грамотности, желающие занимались гимнастикой. Насыщенная программа завершалась концертами и дискотекой.
"Территория молодежи" - не просто развлекательный проект, а цикл мероприятий, позволяющий молодому поколению погрузиться в коми культуру, традиции, историю, всесторонне развивать участников, воспитывать любовь к малой родине.
Проект проводится Усть-Куломским представительством МОД "Коми войтыр" при финансовой поддержке Министерства национальной политики Республики Коми.
Гожся лоӧмторъяс* Том войтырлы проект Кулӧмдін да Кӧрткерӧс районъясын
Юль да август тӧлысьясын "Том войтырлӧй мутас" проектлӧн команда ветліс Тимшерӧ да Шойнатыӧ.
Тимшер посёлокса олысьяс пырӧдчисны гажӧ. Дартс да ньӧввужйысь лыйсьӧм кузя ордйысьӧмъяс сетісны позянлун пырӧдчысьяслы петкӧдлыны ассьыныс пельклун да сям.
Медся том гӧсьтъяс тӧдмасисны вылыс эжваса роспись техникаӧн, удитісны ворсны ыджыд ворсӧмъясӧн да суныштлыны VR-очкояслӧн збыльлунӧ - аддзывны Троице-Стефано-Ульяновскӧй манастыр лэбач лэбув вывсянь, а нывъяс лӧсьӧдісны шуд вылӧ аканьясӧс.
Гажӧ пырӧдчысьяс тӧдмасисны "шег" коми ворсӧмӧн. "Ичӧтик, стильнӧй ныв" практическӧй занятие вылын участвуйтысьяслы сетісны рекомендацияяс паськӧм бӧрйӧм да гармоничнӧй стильнӧй образ лӧсьӧдӧм кузя. Рӧдвуж кузя мастер-классӧ волысьяслы дасьтім сӧветъяс, кыдзи лӧсьӧдны рӧдвуж пу, медым видзны ас семьялысь историясӧ, сетны сійӧс быдтасъяслы. Гаж вылӧ волысьяслӧн вӧлі позянлун лӧсьӧдны ассьыныс аслыспӧлӧс вензель.
"Бур туй" коми Республикаын интерактивнӧй ворсӧм-путешествие: тӧдмӧдіс пырӧдчысьясӧс Коми Республикалӧн географияӧн, историяӧн да культураӧн. Интеллектуальнӧй ворсӧмъяслӧн продолжениеӧн лои КвизPRO викторина, коді прӧверяйтӧ эрудиция да команднӧй дух.
Интереснӧйӧн да тӧдчанаӧн верстьӧ олысьяслы лоис финансӧвӧй грамота кузя сёрни, кодӧс вӧлі сиӧма финансӧвӧй махинацияясысь дорйӧмлы.
Збодерлунлысь да бур настроениелысь зарадсӧ могмӧдіс дзоньвидзалун ёнмӧдан гимнастика.
Тимшерса клубысь специалистъясӧн дасьтӧм гажа концерт бӧрын гажыс водзӧ муніс рытъя дискотекаӧн, помасис гажӧдчан да йӧктан руӧн.
Шойнаты сиктын сідзжӧ вӧлiны уна пӧлӧс мастер-классъяс, ворсӧмъяс, лекцияяс да концерт. Пырӧдчысьяс тӧдмасисны Вылыс Эжваса серпасасьӧмӧн да лӧсьӧдісны асланыс киясӧн шуда тыр-бур олӧм вылӧ аканьясӧс, лӧсьӧдісны «Ас вензель», велӧдчисны дасьтыны рӧдвуж пу, ёнмӧдiсны дзоньвидзалун гимнастика отсӧгӧн, пырӧдчисны уличвывса ворсӧмъясӧ. Гаж вылӧ воысьяс тӧдмалiсны, кыдзи видзчысьны ылӧдчысьясысь, велӧдчисны дорйыны ассьыс нажӧвитӧм сьӧм. Луныс помасис кыпыд гажӧн.
«Том войтырлӧн мутас» – абу сӧмын гажӧдчан уджтас, а аскиа лун сӧвмӧдӧм, коді отсалӧ быдтыны чужан му радейтысьясӧс, видзны коми культуралысь озырлун да быд боксянь сӧвмӧдны мортӧс. Татшӧм удж отсалӧ том йӧзлы гӧгӧрвоны республикалӧн аскиа лун вӧсна кывкутӧмсӧ да пуктыны сылӧн сӧвмӧмӧ пай.
Проектсӧ збыльмӧдӧ "Коми войтыр" ӧтмунӧмлӧн Кулӧмдінса представительство, Кулӧмдінса культура да национальнӧй политика управление, Кулӧмдінса культура керка, районса клуб шӧрин, нывбабаяслӧн районнӧй сӧвет, кулӧмдін спорт мероприятиеяслӧн шӧрин, том йӧзлӧн юкӧн да сиктса администрацияяс Национальнӧй политика министерстволӧн субсидия отсӧгӧн.