Конкурс самодеятельных авторов "Земляки"
Сыктывкарское представительство МОД "Коми войтыр" и Центр коми культуры г.Сыктывкара подвели итоги конкурса самодеятельных авторов «Ас йӧз» (Земляки).
Благодарим всех помощников и спонсоров, администрацию МО ГО "Сыктывкар", всех организаторов, жюри и участников.
На конкурс поступило около 140 работ со всей республики. Самому молодому автору — 14, а самому пожилому — 85 лет.
Победители: Елена Игнатова, Элина Шлопова, Александр Уляшев, Вадим Семяшкин, Людмила Кузиванова, Андрей Терентьев, Алёна Ускова, Святослав Напалков.
Всем участникам вручили дипломы, а победителям - цветы и сертификаты, спецпризы- подписка на коми журнал «Войвыв кодзув». Лучшие работы будут опубликованы в комиязычных газетах и журналах.
ТЫР-БУР ОЛӦМ ТІЯНЛЫ, АС ЙӦЗ!
Сыктывкарса коми войтыр да Коми культура шӧрин сигӧртісны асшӧр гижысьяслы «Ас йӧз» литература конкурс. Уджтасыс пырис 2024 вося конференция резолюцияӧ.
Аттьӧалам вермасьӧмӧ пырӧдчысьясӧс да проектсӧ олӧмӧ пӧртны отсасьысьясӧс. Тайӧ Коми Республикаса гижысь котыр, юркарса администрация, «Октябрь» шойччан шӧрин, Коми йӧзӧдчан керка, «Зарни туис» сьылан котыр, веськӧдлысьыс Наталья Канова, Коми Республикаса социальнӧй политика комитетӧн веськӧдлысь Анастасия Михайлова, регионса Каналан Сӧветысь депутатъяс Николай Удоратин да Татьяна Саладина.
Медыджыд нокыс усис Сыктывкарса Коми культура шӧрин котыр вылӧ да Сыктывкарса коми войтырысь проект вылын уджалан котыр вылӧ, кытчӧ пырисны Алёна Нестерова, Ольга Рогожникова, Наталья Гонтарук, Екатерина Блюме да проектӧн веськӧдлысь Нина Обрезкова.
Вермасьӧмсӧ донъялісны Елена Власовна Ельцова — коми поэт, вуджӧдчысь, литература туялысь, Россияса гижысь котырӧ пырысь; Валентина Александровна Лимерова — коми литература туялысь, педагогика наукаяс кандидат; Александр Вячеславович Герасименко — роч поэт, Россияса гижысь котырӧ пырысь; Нина Александровна Обрезкова — поэт, прозаик, драматург, вуджӧдчысь, Россияса гижысь котырӧ пырысь; Андрей Гельевич Попов — жюриӧн веськӧдлысь, роч поэт, вуджӧдчысь, Коми Республикаса гижысь котырӧн веськӧдлысь.
Конкурс вылӧ воис 140 гӧгӧр удж Коми республикалӧн быд пельӧсысь: тайӧ Кулӧмдін, Луздор, Изьва, Кӧрткерӧс, Сыктывдін, Койгорт, Удора районъяс, Усинск да Инта кар кытшъяс и, дерт, Сыктывкар. Медічӧт арлыда гижысьысыс — 14, а медверстьӧ гижысьыс — 85 арӧса.
Асшӧр гижысьяс вермасисны нёль нимпасын: коми кывбур, роч кывбур, коми проза, роч проза том да верстьӧ войтыр костын нимпас юкӧмӧн.
Верстьӧ йӧз костын «Коми проза» нимпасын вермис Елена Игнатова. Томуловысь медбурӧн шуисны Элина Шлоповаӧс.
«Коми кывбур» нимпасын верстьӧяс костын вермис Александр Уляшев, а томуловысь медбурӧн лои Вадим Семяшкин.
«Роч проза» нимпасын верстьӧ войтыр костын вермис Людмила Кузиванова, а томуловысь медбурӧн индісны Андрей Терентьевӧс.
Верстьӧ йӧз костын «Роч кывбур» нимпасын вермис Алёна Ускова, а том йӧзысь медбурӧн шуисны Святослав Напалковӧс.
Вермысьяслы вичмис диплом, дзоридз да сьӧма сертификат. А конкурсӧ быд пырӧдчысьлы — аттьӧалана гижӧд да мӧд во кежлӧ мича календар — конкурс йылысь казьтылӧм.
Вермасьӧмӧ пырӧдчысьясӧс нимӧдісны «Коми войтыр» ӧтмунӧмса Сыктывкар юкӧнӧн веськӧдлысь Алёна Николаевна Нестерова да юркарса администрацияын веськӧдлысьӧс вежысь Елена Витальевна Семейкина. Гажсӧ нуӧдісны Екатерина Блюме да Иван Биричевский.
Содтӧд козинъяс — «Войвыв кодзув» журнал вылӧ мӧд во кежлӧ гижӧдчӧм вичмисны Ольга Камаевалы да Софья Лукиналы.
Медбур гижӧдъяс пырасны «Коми му» газетӧ, «Би кинь» да «Войвыв кодзув» журналъясӧ.
Казьтыштам, «Ас йӧз» конкурс муніс мӧдысь. Воддзаыс вӧлі 2023 воын. Сигӧртан рыт вылӧ воысьяс вӧзйылісны содтӧд нуӧдны литература рыт. Таво налӧн кӧсйӧмыс збыльмис. Сцена вывсянь быдӧн вермис лыддьыны ас гижӧд, юксьыны мӧвпъясӧн, чолӧмавны ёрта-ёртӧс. Уджсӧ шуим нуӧдны водзӧ.