В столице многое изменяется

Члены Президиума МОД "Коми войтыр" и активисты Сыктывкарского представительства движения тесно работают с Сыктывкарской администрацией, на конференциях вносят много предложений по улучшению жизни в столице Коми края, а 18 июня 2026 г. слушали и оценивали отчёт руководителя администрации М.Мартышина.

Мэр г.Сыктывкара отчёт провёл в новом формате - не только перед депутатами, но и общественниками, почётными гражданами, журналистами. Собравшиеся выслушали доклад Максима Мартышина об объемной работе городской администрации. И действительно, многое сделано: капитально отремонтировано 9 школ, открыто 11 модельных библиотек, построена лыжная база «Йиркап», отремонтировано несколько отрезков дорог.
Максим Юрьевич коснулся и переселения из ветхого жилья: там много трудностей, но небольшими шагами люди переезжают в новые квартиры. Нужен системный подход, большие проекты, а не только точечное переселение.

Большая часть доклада была посвящена юбилею г. Сыктывкара. От горожан пришло уже около 10 тысяч предложений. Уже определены несколько направлений, по которым началась работа. Хотелось бы, чтобы после праздника сыктывкарцам остались объекты новой инфраструктуры: атракционы и качели в Кировском парке, кафе и рестораны с коми блюдами в центре города, национальный колорит столицы Коми, туристические и исторические маршруты...

В конце отчета мэр города ответил на все возникшие вопросы. Отчёт был принят всеми депутатами. А мы будем вместе с администрацией города воплощать совместные нужные планы.

Юркарын унатор вӧчсьӧ!

"Коми войтырын" зільысьяс топыда уджалӧны Сыктывкарса администрациякӧд, конференцияяс вылын унатор вӧзйӧны, корӧны власьт бердса йӧзлысь кар бурмӧдӧм могысь. Июнь шӧрын кывзісны, донъялісны, юасисны вӧчӧмторъяс йылысь юркарӧн веськӧдлысьлысь.

Сыктывкарса мэр тавося отчет вӧчис дзик мӧд форматын - эз сӧмын депутатъяс водзын, но и общественникъяс(тшöтш и коми войтырысь зiльысьясöc), почет граждана, журналистъяс водзын. Чукӧртчӧмаяс кывзісны Максим Мартышинлысь да карса администрациялысь вося ыджыд удж йылысь доклад. И збыль унатор вӧчӧма: 9 школа капитальнӧя дзоньталӧма, восьтӧма 11 модельнӧй библиотека, стрӧитӧма «Йиркап» лыжнӧй база и весиг лӧсьӧдӧма сэтчӧ выль автобуса маршрут.
Дзоньталӧма бура некымын туйкост Човьюын, Октябрь шӧр туй вылын и зэв ёна колана Тентюков улича вылын. Но а Дырносса дачаяс кузя, кодъяс серти пӧ медся уна вӧлі юалӧмыс и некод нин эз верит, мый лоас сэтчӧ лючки туй и би, мытшӧдъясыс разьсисны жӧ.
Максим Юрьевич сернитіс и важмӧм керкаясысь переселение серти удж йылысь: уна пӧ сэні сьӧкыдлуныс, но вӧчысьыд тай вӧчӧ, неыджыд воськовъясӧн йӧзыс вуджалӧны выль патераясӧ. Медся ыджыд мӧвпыс та серти, висьтасис карса веськӧдлысь, мый колӧ пӧ ыджыд уджтас, системаа видзӧдлас, а абу сӧмын точечнӧй вуджӧдӧмъяс. И тайö збыльтор.

Ыджыд пай докладын вӧлі сиӧма Сыктывкарлӧн юбилей пасйӧмлы. Ӧні нин йӧзсянь воалӧны вӧзйӧмьяс - матӧ 10 сюрс сайӧ нин пӧ. И эм нин некымын туйвизь, кодӧс кӧсйӧны пӧртны олӧмӧ. Мед пӧ эськӧ гаж бӧрын карсаяслы колис и выльӧн лӧсьӧдӧм инфраструктура: Кировскӧй паркын челядьлы атракционъяс да качельяс, мед вӧліны кар шӧрас бур кафе да ресторанъяс ас коми вӧлӧгаӧн, мед карыслӧн мыгӧрас тыдаліс национальнӧй колоритыс, вӧліны туристическӧй да историческӧй маршрутъяс.
Максим Юрьевич пасйис, мый карӧн веськӧдлӧмын медшӧрыс: мед этшаджык кабала вӧлі да унджык йӧзлы отсӧг, войтыркӧд восьса серни (карса посёлокъясӧ ветлӧм да сэтчӧс йӧзкӧд сёрнитӧм), и бура думыштӧм системаа план став олан туйвизь сертиыс(а абу ӧткӧн- ӧткӧн вӧчӧмторъяс).

Отчет бӧрын вӧліны, дерт, юалӧмъяс депутатъяссянь. И кыдз шуласны, эз ставныс найӧ вӧвны удобнӧйӧсь. И колӧ шуны, мый Максим Юрьевич вочакывъяссӧ сетіс честнӧя да сьӧлӧмсяньыс. Со некымын вочакыв: шӧр бассейн бӧр на восьтасны, кор дзикӧдз вежасны сэні ва весалан система (збыль вылас пӧ сэні уджалысьясыс быд лун вӧчӧмаӧсь подвиг, татшӧм важ чиститан системаяс страна пасьтала абуӧсь нин), Эжваса «Шудлун» да ДКБ-ын ремонт вӧчасны таво; Выльтыдорын юбилей кежлӧ туйсӧ оз на удитны дзоньтавны(овлӧ и тадзи); КНЦ дорса киссьӧм тротуарсӧ дзоньталасны таво жӧ!

Мэрлысь отчет примитісны став депутатыс. А ми кутам öтув карса администрациякöд пöртны олöмö бур да колана планъяс.