Члены Исполкома «Коми войтыр» посетили Лозым
После экскурсии по экопарку «Лозымская пуща» на «Аллее героев» высадили саженцы сосны. Далее ознакомились с работой Дома культуры с. Пажга.
После обеда с участием приглашенных гостей обсудили вопросы развития культуры на селе. В рамках подготовки к Исполкому было проведено анкетирование на тему «Современное состояние сельских Домов культуры Республики Коми» с вопросами о степени износа зданий, техническом оснащении и наличии квалифицированных кадров.
Речь зашла и о звучании коми языка со сцены. Что нужно сделать, чтобы на больших и малых праздниках говорили на двух языках? Чтобы в коми селах организовывали мероприятия на коми языке? Одно из предложений: нужна единая государственная политика (концепция) по включению коми языка в работу учреждений культуры, на которую можно было бы опираться как чиновнику, так и работнику сельского клуба.
Большое спасибо за участие выражаем первому заместителю министра культуры и архивного дела Константину Баранову, заместителю министра национальной политики Алексею Целищеву, руководителю отдела культуры и спорта администрации «Сыктывдинский» Андрею Порошкину и директору Центра народного творчества и повышения квалификации Ивану Токмакову.
«Коми войтыр» Исполкомö пырысьяс ветлiсны Лöзымö
«Лозымская пуща» экопаркӧд экскурсия бöрти «Геройяслöн аллея» вылö садитiсны ичöтик пожöмъяс. Водзö тöдмасисны Паджгаса культура керкалöн уджöн.
Öбед бöрти корöм войтыркöд öтув сёрнитiсны сиктын культура сöвмöм-видзöм йылысь. Мыйöн олö сиктса клуб, кутшöм мытшöдъяс да майшöгъяс талун эм, ‒ висьтасисны Изьваса да Ускар представительствоясöн веськöдлысьяс, Исполкомö пырысьяс, чина йӧз.
Исполком кежлö дасьтысигöн лои нуöдöма клубъяс серти анкетирование. Лыдпасъяс нöштаысь тöдчöдiсны: 299 сиктса клубысь сӧмын 48 объект (16%) ‒ тайӧ выль стрӧйба либӧ капитальнӧя дзоньталӧм. Сэк жӧ 120 стрӧйба (40%) ‒ официальнӧя лыддьӧма важӧн либӧ найӧс ёна колӧ дзоньтавны. Гӧгӧрвоам, мый миян сиктса инфраструктура важмӧ ӧдйӧджык выльмӧдӧм дорысь.
Абу ёна шыльыд и материально-техническӧй база серти. Мониторинг петкӧдлiс, мый весиг кӧть и стенъясыс зумыда сулалӧны, пытшкӧсас тшӧкыда тыртӧм. Пасйӧны, мый уналаын оз тырмы элементарнӧйыс: рабочӧй ноутбукъяс, колонкаяс, микшернӧй пультъяс да сценическӧй би. Сытӧг ӧнія праздникыд оз вермы лоны.
Любӧй клублӧн медшӧр доныс ‒ йӧз. Талун кежлӧ оз тырмыны квалифицированнӧй специалистъяс. Весиг-тӧ эм тупкан выйын клубъяс ‒ уджавнысӧ некодлы. Мыйла тадзи артмӧ? Помкаяс лыдын: уджысь ичӧт мынтысьӧм вӧсна том йӧз мунӧны каръясӧ; важмӧм, киссьӧм клубъясӧ йӧзлы абу окота локны, та вӧсна усьӧ и культуралӧн коланлун ‒ востребованность, он вермы ышӧдны татшӧм условиеясын уджавны и специалистъясӧс.
Пӧсь сёрни мунiс и сцена вывсянь коми кыв юргӧм йылысь. Мый колӧ вӧчны, мед ыджыд да ичӧт гажъяс вылын сёрнитiсны кык кыв вылын? Мед коми сиктъясын котыртiсны коми кывъя мероприятиеяс? Исполкомсаяс пасйисны, мый оз тырмы Коми Республикаса культура да архив удж министерстволöн збойджыка государственнöй политика нуöдöм. Вöзйöмъяс пиысь öти: культура юкöнын колö коми кывлы сиöм öтувъя каналан концепция, код вылö позис мыджсьыны кыдз чина войтырлы, сiдз и сиктса клубын уджалысьлы.
Ыджыд аттьӧ сёрниӧ пырӧдчӧмысь висьталам культура да архив удж министрӧс медводдза вежысь Константин Барановлы, национальнӧй политика министрӧс вежысь Алексей Целищевлы, «Сыктывдін» администрацияса культура да спорт юкӧнӧн веськӧдлысь Андрей Порошкинлы, йӧзкост творчество да квалификация кыпӧдан шӧринса директор Иван Токмаковлы.