Стихами коми поэтов
В Сыктывкаре подвели итоги республиканского конкурса, посвященного юбилейным датам коми писателей и поэтов Владимира Тимина, Геннадия Юшкова и Василия Лодыгина.
Его организаторами выступили Министерство образования, науки и молодежной политики республики, а также Коми республиканский институт развития образования.
В конкурсе приняли участие 119 обучающихся 5-11 классов из 16 муниципальных образований городов и районов, двух государственных общеобразовательных организаций и одного государственного профессионального образовательного учреждения республики.
Конкурсные выступления оценивались в соответствии с критериями оценки в двух возрастных категориях - это обучающиеся 5-8 классов и обучающиеся 9-11-х.
.jpg)
Более активно проявили себя учащиеся первой возрастной группы. Также всех участников делили на две группы - конкурсанты, для которых коми язык родной и чтецы, не владеющие коми языком.
На конкурс допускались видеозаписи работ. Возможность дистанционного участия расширило географию конкурса. В нем смогли участвовать не только учащиеся близлежащих городов и районов, но и из дальних сел и деревень.
Победителями и призерами очной формы конкурса стали: Алина Игушева (7 класс МОУ "СОШ" с. Большелуг, Корткеросский район), Дарья Исакова (6 класс МАОУ "СОШ №18", г. Сыктывкар), Лев Шадрин (11 класс МБОУ "СОШ" пст. Визиндор, Сысольский район) и Ксения Прохорова (9 класс МАОУ "СОШ №38", г. Сыктывкар).
.jpg)
Заочной формы - Глеб Курцевич (5 класс МБОУ "Богородская СОШ", Корткеросский район), Тарас Рочев (6 класс МБОУ "Гамская ООШ", Ижемский район), Валерия Алексеева (5 класс МАОУ "СОШ №1 с углубленным изучением отдельных предметов им. И.А. Куратова", г. Сыктывкар), Мария Сметанина (11 класс МБОУ "Красноборская СОШ", Ижемский район) и Константин Сорокин (10 класс МОУ "СОШ №16" г. Ухты).
Победители и призеры конкурса награждены дипломами I, II, III степени и памятными призами. Руководители победителей и призёров отмечены благодарственными письмами. Участники конкурса, не ставшие победителями и призёрами, получат сертификаты.
Комиинформ
Кывным сёрнитігӧн олӧ...
.jpg)
Геннадий Юшковлысь, Владимир Тиминлысь, Василий Лодыгинлысь кывбуръяс лыддисны том войтыр октябрь 20 лунӧ. Медбур висьталысьӧс бӧръян конкурссӧ вӧлі сиӧма поэтъяслӧн юбилейяслы: Геннадий Анатольевичлы таво эськӧ тырис 85, Владимир Васильевичлы – 80 арӧс. Василий Григорьевич жӧ таво вуджис 70 арӧса тшупӧда пас.
Василий Лодыгинӧс эськӧ ёна виччысьӧмаӧсь конкурс вылас, но ар да, вӧралысь морттӧ аддзыны абу вермӧмаӧсь, кӧнкӧ пӧ Габов грезддорса пармаын кыйсьӧ. Вӧрас лов-сьӧлӧмнас шойччыштӧм бӧрын, дерт жӧ, выль кывбуръяс сылӧн чужасны, да во-мӧд мысти ныв-зон и найӧс окотапырысь лыддясны.
А Юшковлӧн да Тиминлӧн гӧтыръясыс волісны, висьтасисны республика пасьталаысь чукӧртчӧм челядьлы асланыс верӧсъяс йывсьыс.
–Владимир Васильевич кык во нин абу ловъя, но век на чайта, быттьӧ петіс кытчӧкӧ да вот-вот бӧр локтас, – висьталіс Тамара Григорьевна Тимина.
Галина Евгеньевна Юшкова ат-тьӧаліс ныв-зонмӧс, мый оз вунӧдны поэтъясӧс.
–Мамыс Юшковлӧн, Анна Васильевна, зэв бур мӧртӧн вӧлі. Мойдлывлӧма пиыслы, но и стрӧга быдтылӧма. Генялы вит арӧс вӧлӧма, ёртъясыскӧд лэччӧмаӧсь вадорӧ да кодлыськӧ гымга аддзӧмаӧсь. Босьтӧмаӧсь сэтысь черисӧ да гортас нуӧмаӧсь. Мамыс юалӧма, кысь нӧ пӧ чериыс? Йӧз гымгаысь босьтінныд? Ноко, ӧні жӧ пӧ ну кӧзяиныслы, – тшӧктӧма мамыс, – казьтыштіс поэтлӧн челядьдырся олӧмысь Галина Евгеньевна.
А конкурсын медводдза кывбуръяссӧ эз на челядь, а верстьӧ лыддисны: йӧзӧс велӧдан министерствоын уджалысь Сергей Габов да сенатор Валерий Марков. Валерий Петрович содтіс на, конкурсын пӧ вермасьны тіянкӧд ог кут, а кӧсъя казьтыштны Владимир Тиминлысь гижӧдсӧ, кывным пӧ миян сёрнитігӧн олӧ.
Ныв-зон жӧ вермасисны ас костаныс арлыд серти юксьӧмӧн (5-8 да 9-11 классын велӧдчысьяс). Тӧд вылын кутісны и, кодлы комиыс – чужан кыв, а коді сӧмын школаын велӧдӧ. Унаӧн ыстӧмаӧсь видео, тайӧ торйӧн нин кивыв вӧлӧма ылі сикт-грездын олысьяслы: Сыктывкарӧдз волыны ӧд оз век артмы. На пӧвстын вермысьяссӧ торйӧн жӧ бӧрйисны.
Нӧшта кӧ лыдпасъяс казьтыштны, конкурсас пырӧдчӧма 16 кар-районысь 119 ныв да зон. И вермысьыс, дерт жӧ, уна. На пӧвстын и Кӧрткерӧс районысь Висерса школаын велӧдчысь Глеб Курцевич. Велӧдысьыскӧд, Светлана Ивановна Муравьёвакӧд, конкурс вылас видео ыстылӧмаӧсь. Глеб лыддьӧма Владимир Тиминлысь «Салдат воис гортас» кывбур. Корисны пӧ Сыктывкарӧ, вермысьяс лыдӧ пыри да. Но ог на пӧ тӧд, кутшӧм места шедӧді, висьталіс конкурс заводитчытӧдзыс на. Кывкӧртӧдсӧ вӧчигӧн тыдовтчис, ичӧтджык арлыдаяс пӧвстын заочнӧй турын медводдзаӧн лоӧма. Радыс и аслыс, и велӧдысьясыслы.
.jpg)
Меным зэв жӧ нимкодь вӧлі, Светлана Ивановнакӧд Сыктывкарса университетын ӧтлаын велӧдчылім да. Нӧшта на нимкодь, мый однокурсникъясысь унаӧн ассьыныс быдтаснысӧ вайӧмаӧсь. Интаысь вит морткӧд локтӧма Лаура Александровна Кириченко. Найӧ пӧ медводз вермисны карса конкурсын, и сэки жӧ шуисны, мый тайӧ ныв-зонмыс бур боксянь петкӧдласны Интанымӧс и юркарын. Сідзи и лоис. Владислав Матов да Дмитрий Осетров лыддисны кывбурсӧ, быттьӧ нэмсӧ коми грездын олӧмаӧсь, ньӧти эз тӧдчы, мый рочӧсь асьныс. Гимназияын пӧ, висьтасисны, коми кындзи ми велӧдам роч, француз да англия кывъяс.
Луздор районысь Гурьёвчиса школаын велӧдысь Нина Пантелеймоновна Окишевакӧд университетын жӧ велӧдчылі. Быдтасъясыс, Евдокия Потапова да Анастасия Зизганова, лыддисны да сценкакодьӧн на петкӧдлісны Геннадий Юшковлысь «Мамӧ, тэ нинӧм он тӧд» кывбур. Нывъяс тулыснас Юшковлы сиӧм районса конкурсын вермысьяс лыдӧ жӧ веськавлӧмаӧсь.
Кывбуръяс лыддянінын аддзысьлі нӧшта кык однокурсницакӧд. Нина Витальевна Нестерова велӧдӧ Кулӧм-дінса шӧр школаын, Ольга Николаевна Чуркина – Чилимдін районса Степановскӧй грездса велӧдчанінын. Эска, локтан конкурс вылӧ найӧ быдтасъясыскӧд нин воласны, зэв ӧд ёна воӧма сьӧлӧм выланыс, кыдзи челядь артистъяс моз висьталӧны коми кывбуръяс. Меным кажитчис жӧ петкӧдчӧмныс. Недыр кежлӧ и кӧсйи кежавны, а вель дыр пукалі да кывзі ныв-зонмӧс. А сэсся лун кык на кыпыд лолаӧн вӧлі, быттьӧ дона козин меным сетісны.
Павел Симпелев ("Коми му").
Снимокъясыс "Комиинформлӧн".