В конце мая МОД "Коми войтыр" совместно с Сыктывкарской и Коми-зырянской епархией провели круглый стол по сохранению духовно-нравственных ценностей под названием «Укрепим духовную силу коми народа».
После жарких и очень нужных обсуждений принято решение о разработке отдельного плана совместной работы в данном направлении.
Май помын "Коми войтыр" ӧтмунӧм Сыктывкарса да Коми-зырянаса епархиякӧд нуӧдіс гӧгрӧс пызан «Ёнмöдам ассьыным ловру», мый сиис том йӧзӧс ас коми традицияяссö (культура, кыв, оланiн) да вераö кутчысьӧмӧн быдтӧм-велӧдӧмлы.
Гӧгрӧс пызанлӧн уджӧ пырӧдчисны "Коми войтыр" ӧтмунӧмлӧн Исполкомö пырысьяс, представительствоясын водзмӧстчысьяс, Сыктывкарса да Коми-зырянаса епархияын зільысьяс, Велӧдан да Национальнӧй политика министерствоясысь уджалысьяс, корöма да тöдчана войтыр.
Пӧсь да зэв колана сёрни бӧрын лоö вӧчӧма ӧтувъя уджтасъяс серти план.
МОД "Коми войтыр" проводит медиапроект "Помним. Не забудем", который посвящен 80-летию Победы и Году Героев Коми.
Весной были опубликованы видеовоспоминания о Героях ВОВ, работниках тыла многих городов и районов Республики Коми и других регионов на коми и русском языках.
Сейчас начался 2 этап проекта о героях советского времени, внёсших большой вклад в развитие своей малой родины.
Видео публикуются в социальной сети ВКонтакте, в официальной группе МОД "Коми войтыр"
.jpg)
"Коми войтыр" ӧтмунӧм нуӧдӧ медиапроект "Помнитам. Ог вунӧдӧй", кодӧс сиӧ Победалӧн 80 во тырӧмлы да Комиын Геройяслӧн волы.
Тулысын йӧзӧдӧма ВОВ-са Геройяс, тылын уджалысьяс йылысь видеоа казьтылӧмъяс уна кар-районысь да мукӧд регионъясысь, коми да роч кыв вылын.
Ӧні заводитчис мӧд юкӧн, кытчӧ позьӧ ыставны видео Сӧветскӧй Союз кадся миян Коми муса геройяс йылысь.
Казьтыштӧй тіян кар-районса тӧчана йӧзӧс, кодъяс пуктісны пай ас му сӧвмӧдӧмӧ, видзӧй история, пырӧдчӧй миян ӧтувъя уджтасӧ!
Видеояс позьӧ видзӧдны "Коми войтыр" группаысь ВКонтакте ӧтуввезйысь.
Члены Исполкома МОД "Коми войтыр" провели выездное заседание в КРАПТе (агропромышленном техникуме) в с.Выльгорт Сыктывдинского района. После небольшой экскурсии по техникуму, гаражам, возложению цветов на Аллею героев Коми участники собрались для обсуждения острых вопросов сельскохозяйственной отрасли РК.
С докладами выступили и.о.министра сельского хозяйства и потребительского рынка Сергей Елдин, Главы некоторых районов РК, руководители крупных агрохолдингов и малых сельхозкооперативов, частные предприниматели из Ухты, Корткероса, Сысольского района, Сыктывкара, депутаты Госсовета РК... На заседании присутствовали представители нескольких министерств и ведомств РК.
При подготовке к заседанию по всем районам было проведено анкетирование о состоянии и проблемах сельхозпредприятий, представлена презентация с итогами анализа анкет.
Поднимались проблемы небольших хозяйств, цен и качества продукции, низких закупочных цен, низкого субсидирования... Визинский филиал КРАПТа требует вложений, там учится мало студентов, но это нужное учебное заведение важно сохранить для подготовки кадров сельхозотрасли.
Все предложения войдут в решение заседания и будут переданы в соответствующие министерства и ведомства для дальнейшей проработки.
Чукöртчылöмыс вöлi КРАПТ (видз-му овмöс техникум) подув вылын, Выльгорт сиктын. Ми кытшовтiм став гараж-мастерскöй, лабораторияяс, велöдчан жыръяс, Техникумын эм ветклиника, cэнi быдса операционнöй, эм и асланыс «Кунсткамера». Сёрнитiм студентъяскöд. Налы позьö эскыны: техникумын унатор вöчöны, мед быдтыны патриотъясöс! Пызан сайö пуксьытöдз Исполкомсаяс пуктiсны дзоридзьяс Геройяслöн аллея вылын кодзула казьтылан пасъяс дорö. Тайö аллеясö вöлi восьтöма сизим во сайын техникумса студентъяслöн водзмöстчöмöн.
Шöр докладыс вöлi видз-му овмöс да продовольственнöй рынок министр Сергей Николаевич Елдинлöн. Доклад дорö дасьтöма презентация, пуктам сiйöс татчö, тöдмасьны верманныд быдöн.
Мöдысь на ковмис петавны став водзö министрлы, мед сетны вочакывъяс налы, кодъяс висьталiсны мытшöдъяс йылысь му вылын талунъя асланыс уджын. Со найö.
Надежда Владимировна Макарова, «Исток» нима кооперативöн веськöдлысь (Ыджыдвидз): «Йöвлысь донсö, мыйысь ми сдайтам гормолзаводö, колö содтыны этша вылö 12% вылö. Субсидиялысь ыдждасö, мый сетсьö вештыны вöчöм нин рöскодсö, содтыны 40% -öдз ( миян решениеын индöма унжджык – 50%). Том специалистъяслы бöр вöчны распределение серти куим во чöж быть уджалöм».
Наталья Александровна Гусятникова, «Агроресурс» ООО котырлöн учредитель (Чуклöм): «Разберитчöй, кыдзи артмö, мый Гормолзавод ньöбö Чуклöмысь йöв 28 шайтысь, а Чуклöм лавкаын сiйöс вузалöны 102 шайтысь?»
Леонид Валентинович Ларичев, «Ухта-97» Племхозысь дояр: «Колö видз-му овмöсъяссö сетны меставывса веськöдлöм улö да вöчны наысь сельхоз кооперативъяс».
Татьяна Васильевна Ларукова, ООО «Нившера»: «Таво вылö некутшöм субсидия эз на волы, и миянлы нинöм вылö ньöбны кöйдыс да удобрение».
Алексей Иванович Габов, «Сила жизни» кооперативöн веськöдлысь: «Колö предприятие, кöнi позис став дикоросысь вöчны сёян-юан. Нöшта кöр видзысьяс нимсянь шуа: кöр ку переработка колö восьтны. Шыбласьны сы мында озырлунöн абу делö!»
Олег Михайлович Терентьев, асшöр уджалысь (Изьва район): государстволöн быд шайт пуктöмлысь колö донъявны эффективносьтсö. А то сетасны уна миллион шайт скöт начканiн стрöитöм вылö, а мöс юрыс зэв этша. Печоралы государственнöй отсöг сетöмысь эм эффективность, позьö тайöс паськöдны мукöд войвыса районъяс вылö.»
Ми эскам Елдинлы, кыдзи ас, сиктысь петöм, коми мортлы. Но удж сы пельпом вылö усис зэв сьöкыд. Мед эськö командаыс эз торк сылысь став кöсйöмсö. Командасьыс унаöн жö волiсны Исполком вылö, Министерствоын уджалысьяс и «Коми холдинговая компания» акционер котырöн веськöдлысь Матвей Евгеньевич Гегешко. Сылысь презентация пуктам жö татчö, тöдмасьöй, уна буртор аддзанныд, и öнiя овмöсъяслы отсöг сетöм йылысь, и выль овмöс стрöитöм йылысь.
Исполком кежлö дасьтысим ми ставöн: секретар Иван Валерьевич Касев вöчис анкетирование, аддзысьлöм вылын тöдмöдiс, мый майшöдлö и ышöдö сиктын олысьясöс, му вылын зiльысьясöс.
Исполком уджö пырисны и сиктса районъясысь чина войтыр. Константин Анатольевич Сажин, Кöрткерöс районса администрацияöн веськöдлысь, вöзйис шыöдчыны Россия тшупöда власть дорö, мед содтыны «опорнöй» сиктъяс лыдö сиктса администрация улын гырысь оланiнъяс. Василий Витальевич Бадьин, Кулöмдiн районса администрацияын веськöдлысьöс вежысь, юксис районлöн бур вермöмъясöн, мый артмö сöмын öтвыв зiльöмöн. Андрей Геннадьевич Першинöс майшöдлö КРАПТ Визинса филиаллöн аскиалуныс: стрöйбаыс важмöма, велöдчысьыс этша локтö, но районлы тайö велöдчанiныс колö.
Надежда Леонидовна Турова, КРАПТ директорöс вежысь, сёрнитiс дзик нин помланьыс. Ми ас синмöн аддзим, кыдзи сьöлöмсянь зiльöны танi наставникъяс, мед том йöз эз повны сиктса сьöкыд уджысь, öд выль технологияяс локтöны и сиктö, но, дерт, колö, медым Техникумлöн учредитель ыджыдджык öдöн выльмöдiс лабораторияяс, манипуляторъяс, «сюсь» макетъяс, сэки кокньыдджык лоö чукöстны татчö велöдчыны ыджыд вежöра, зiль том йöзöс.
Татьяна Алексеевна Саладина, Каналан Сöветса депутат, сигöртiс сёрнияссö ышöдана кывъясöн, мый насянь отсöг лоас век, кор колö вужвойтыр йöзлысь олöм бурмöдны.
Став тöдчана вöзйöмъясыс пырасны Исполкомлöн помшуöмö. Баласö сылысь, дерт, вöлi водзвыв лöсьöдöма. Исполком кежлö дасьтысигöн лои кытшовтöма овмöсъяс Кулöмдiн, Мылдiн, Кöрткерöс районъясын. Миян веськöдлысь Олег Амвросиевич Лажанев котыртöмöн вöлi некымын аддзысьлöм министр Елдинкöд, Каналан Сöветса депутатъяскöд. Содтöд Исполкомса секретар Иван Валерьевич Касев 2024 воын районъясын нуöдöм коми конференцияяслöн кывкöртöдъясысь корсис ставсö, мый инмö видз-му овмöс сöвмöмлы, да наысь и XIII Съездлöн резолюцияысь буретш и артмис Исполкомлы вынсьöдöм вылö решениелöн сюрöсыс.
Исполкомлöн удж оз помась ки лэптöмöн да кырымпас пуктöмöн. Кöть кутшöм ыджыд вына гижöдыд, сiйö вежсьöмсö ачыс оз вöч. Миянлы колö кад, вын, сям пуктыны. Уджалам, ёртъяс!
Мария Вячеславовна Кузьбожева,
«Коми войтыр» Исполкомлöн веськöдлысьöс вежысь.
Межрегиональное общественное движение МОД "Коми войтыр" при непосредственном участии сотрудников Североморского межрегионального управления Россельхознадзора продолжают оказывать поддержку участникам специальной военной операции. В 2024 году на собранные денежные средства была приобретена тепловая пушка и передана волонтеру Сыктывдинского района Людмиле Михайловой. В январе 2025 года оставшиеся средства направлены на приобретение автомобиля УАЗ через волонтера Александру Жикину. Выражаем глубокую признательность и благодарность специалистам Североморского межрегионального управления за поддержку наших ребят.
"Коми войтыр" ӧтмунӧм водзӧ нуӧдӧ удж СВО вылӧ отсӧг чукӧртӧм могысь. Россельхознадзорлӧн регионъяскостса Североморскӧй управление некымынысь нин чукӧртіс сьӧм салдатъяслы коланаторъяс ньӧбӧм вылӧ. 2024 воын вӧлі ньӧбӧма тепловӧй пушка да ыстӧма фронт вылӧ Сыктывдін районса отсасьысь-волонтёр Людмила Михайлова пыр. 2025-ӧд вося январь тӧлысьын кольӧм сьӧм мӧдӧдӧма Александра Жикина пыр УАЗ машина ньӧбӧм вылӧ.
Сьӧлӧмсянь аттьӧалам Североморскӧй управление дорйысьысьяслы отсӧгысь.
Начался прием заявок на участие в Республиканском фольклорно-познавательном конкурсе юношей «Пера-богатырь». Организаторы: МОД «Коми войтыр» и Национально-культурный центр Гуманитарно-педагогического колледжа имени И.А Куратова
Скорее отправляйте заявки на участие в конкурсе. Подробнее читайте в Положении.
На фотографии - участник конкурса 2016 года Пелагий Рочев.
Положение конкурса "Пера-богатырь" -2025
Юӧртам «Пера-богатырь» республикаса конкурс вылӧ заявкаяс чукӧртӧм йылысь. Вермасьӧмӧ пырӧдчыны вермасны шӧр да вылыс тшупӧда велӧдчанінъясысь 16-23 арӧса коми зонъяс.
Конкурсӧ пырӧдчысьяс висьталасны ас котырын коми вӧралысьяслысь тӧдӧмлунъяс да кужанлунъяс видзӧм да водзӧ нуӧдӧм йылысь, петкӧдласны ассьыныс вын да смеллун спорт юкӧнын, висьталасны семьяпытшса геройяс йылысь.
Став юӧр лыддьӧй Положениеысь - Положение конкурса "Пера-богатырь" -2025. Тэрыбджыка ыстӧй заявкаяс!
Конкурс котыртысьяс: «Коми войтыр» ӧтмунӧм да Куратов нима гуманитарно-педагогическӧй колледжбердса Национально-культурнӧй шӧрин.
Фото вылын - 2016 воын конкурсӧ пырӧдчысь Пелагий Рочев.